Поврзете се со нас

Италија

Елмас беше стартер во тимот на Гатузо, Наполи се намачи за четвртфинале во Копа Италија (Видео)

Објавено

на

blank

Наполи на доста потежок начин од предвиденото се пласираше во ново четвртфинале во Копа Италија, турнир на кој ја брани освоената титула од минатата натпреварувачка сезона во која во финалето го совлада Јувентус.

Елиф Елмас денеска беше стартер во тимот на Џенаро Гатузо и на теренот мина 70 минути, пред да биде изваден од игра при резултат 2:2, непосредно по вториот гол на гостите од Емполи.

Италијанскиот второлигаш се покажа како тврд орев и достојно го намачи фаворитот на „Сан Паоло“, па преку Бајрами на двапати се враќаше во игра и ја неутрализираше предноста на домаќинот.

Откако Ди Лоренцо и Лозано на двапати го носеа Наполи во водство, тоа мораше да се случи и трет пат, што на крајот се покажа како дефинитивно за победа и пласман во наредната рунда во Купот.

Петања погоди во 77-та минута за 3:2 и го постигна последниот гол на натпреварот во Неапол, па сега „небесно сините“ го чекаат подобриот од дуелот кој ќе го имаат Специја и Рома.

Реклама
Реклама
Реклама

Facebook

Популарни