„Ел Класико“ за трансфер на фудбалер од Премиер лигата: Перез „пред нос“ го зема засилувањето на Барселона

Шпанските и англиските медиуми веќе извесен период шпекулираат дека Барселона е заинтересирана за ангажман на фудбалерот на Челси, Цезар Аспиликуета.

Шпанскиот фудбалер речиси сигурн ќе си замине од тимот од Лондон по крајот на сезоната кога му истекува и неговиот договор.

Во моментов нема никакви индиции дека бекот ќе го продолжи договорот со Челси, па јасно е дека тој ќе ја промени средината на лето, а веќе сега може да постигне договор со неговиот следен клуб.

Иако Барселона досега важеше за фаворит за потписот на Аспиликуета, во последен момент во игра влегол и Реал Мадрид предводен од Флорентино Перез кој лично притискал за ангажман на шпанскиот репрезентативец.

Инаку,Аспиликуета е меѓу најискусните играчи на Челси каде стигна во 2012 година. За „сините“ од Лондон одиграл 456 натпревари на кои постигнал 14 погодоци и запишал 56 асистенции.