Добри вести за каталонците: Барселона ќе потпише нови договори со големите таленти (ВИДЕО)

Барселона се обидува да изгради едно нова победничка генерација, генерација од која се дел многу млади играчи кои играат клучна улога иако се уште се во рана фаза на нивните сениорски кариери.

Педри и Гави се двајца фудбалери без кои не може да се замисли почетната постава на шпанскиот првак, а по нивните стапки сега одат Алехандро Балде и Ламине Јамал. Балде веќе е стандарден на таа лева бековска позиција, неговата улога ќе биде уште поголема во оваа кампања со оглед на тоа што сега веќе го нема Жорди Алба.

Јамал пак е талент кој сериозно се пробива во тековнава кампања, добива се поголема минутажа, па дури стигна и до сениорската шпанска репрезентација и покрај тоа што има само 16 години.

Токму овие двајца во наредниот период официјално ќе добијат нови договори на „Камп Ноу“. Фабрицио Романо информира дека се е договорено и само е прашање на време кога зделките ќе бидат објавени.

Балде ќе се обврзе на договор до 2028 година, додека Јамал ќе го добие она што е максимално во оваа фаза, соработка до 2026 година.