Димитријевиќ повторно главен кај Уникс, ама Рајковиќ се радуваше во македонското дерби во ВТБ лигата

Емил Рајковиќ со ЦСКА Москва издвојува победа над Уникс Казан од 92-79 во дерби натпреварот во ВТБ лигата.

Ова беше дуел на две екипи кои досега имаа перфектни „осум од осум“, но од вечерва само „армејците“ остануваат со 100 процентен учинок. Првото полувреме мина во изедначена игра во која на паузата се замина со 42-40 за домаќините. Во третиот период ЦСКА одигра најдобро и со 29-20 се избори за двоцифрена предност која потоа ја задржа во завршните десет минути.

Милутинов забележа дабл-дабл од 24 поени и  12 скокови, Швед уфрли 20 поени со 9 асистенции, додека Мур од клупата уфрли 21 поен.

Кај Уникс одново главен беше македонскиот репрезентативец Димитријевиќ со 18 поени на кои придодаде 6 асистенции. Сепак тој немаше соодветна поддршка и тоа дефинитивно е главаната причина за поразот на тимот од Казан.

Нено и другарите во следното коло се сооуваат со Парма Перм, четата на Рајковиќ пак ќе го пречека Нижни Новгород.