Димитриевски се најде во тимот на колото во најквалитетните лиги во Европа (ФОТО)

Македонскиот репрезентативец, Столе Димитриевски имаше уште една импресивна партија во пресметките со Барселона и беше најзаслужен што неговиот Рајо Валјекано остана непоразен на отварањето на сезоната во Примера.

Димитриевски блескаше на „Камп Ноу“, одново ја сочува својата мрежа и му донесе еден бод на клубот од Мадрид на ова тешко гостување. Со новото издание Столе повторно се најде во фокусот на вниманието на јавноста затоа што претходнo исто против шпанскиот великан импресионираше во кампањата 2021/2022 каде остане без примен гол на двете лигашки соочувања.

За овој настап нашиот ас доби заслужено признание и се најде во одбрано друштво, тимот на колото, најквалитетната единаесетка во Топ 5 лигите во Европа.

Тој е заедно со Нејмар, Влаховиќ, Алаба, Де Брујне…