Депај за неговата иднина: Не сакам да дадам ветување кое не можам да го исполнам

Мемфис Депај е еден од играчите кој е во својата последна година од договорот и постои голема неизвесност околу неговата иднина во сегашниот клуб Лион.

Засега Холанѓанецот е далеку од продолжување на соработката со францускиот прволигаш, а за тоа „виновна“ е и Барселона која е заинтересирана за неговите услуги. Каталонците не успеаа да го доведат Депај во минатиот преоден рок, ама се очекува нов обид во јануари со оглед на тоа што им е потрено засилување во напаѓачката линија по заминувањето на Луис Суарез и сега повредата на Ансу Фати.

Тоа сценарио дефинитивно е возможно и тоа се гледа по изјавата на Мемфис кој не може дека вети дека оваа кампања ќе ја заврши во сегашната средина.

-Многу ме прашувате за тоа, ама нема да дадам ветување кое не сум сигурен оти можам да го исполнам. Лион треба да го искористи моето сегашно присуство, а јас треба да го искориста тоа што сум тука. Тоа се обидувам секој ден. Можате да ги прашате сите кои се околу мене: сакам да тренирам и се обидувам да бидам позитивен секој ден, -порача Депај кој во досегашните 111 настапи беше директно инволвиран во 83 голови за Лион во Лига 1.