Дел Пјеро за голот кој му беше поништен на Кварацхелија: Тоа е смешно (Видео)

Квича Кварацхелија беше најопасен играч на ПСЖ во првото полувреме, но грузиската ѕвезда во два наврати беше сопрен од Алисон Бекер, а еднаш му беше поништен и гол поради минимален офсајд.

Повторената снимка покажа дека Грузиецот е во милиметарски офсајд, па за поништени голови како овој и доста слични, Арсен Венгер веќе подолго време бара промена на правилото во фудбалот.

Таканареченото „Венгер правило“ би му дало предност на напаѓачот во вакви милиметарски ситуации, а очигледно зад предлогот на легендарниот стручњак стои и Алесандро Дел Пјеро.

– Голот кој му беше поништен на Кварацхелија ме тера да се смеам. Тоа е смешно. За мене е неверојатно тоа што се свири офсајд за такви маргинални ситуации.

– Голот кој го постигна Квича беше извонреден, успеа да ја прими топката перфектно и имаше доволно простор за да шутира со левата нога. Точно знаеше каде е голот и имаше перфектен тајминг при изведувањето на шутот. Вистинска штета е што се поништи таков убав гол, – вели Дел Пјеро.