Деко за трансферот на Нејмар во Барселона: Тој беше феномен…

Нејмар Жуниор од пред некое време настапува во неговата татковина во редовите на Сантос каде се прсели откако ја заврши приказната со Ал Хилал од Саудиска Арабија.

Офанзивецот сакаше нов предизвик во кој ќе може постојано да игра, да фати ритам, константност и тоа го добива во новата средина ако се земе предвид дека има 3 гола и 3 асистенции на 7 натпревари.  Тој особено во изминатиов период, недели одново се поврзува со Барселона, потенцијален камбек на „Камп Ноу“, па дури медиумите и споделија вест дека Барселона дури и му порачала да даде 15 голови до крајот на сезонава за да може да се разговара за таква опција.

Меѓутоа колку е тоа само шпекулација, игра на зборови говори изјавата на спортскиот директор Деко кој на оваа тема јасно и директно порача:

-Ова не е економско прашање. Пред се, мислам дека Нејмар треба да се обиде повторно да биде среќен, да ужива во фудбалот. И не гледам подобро место за него во овој момент од Бразил и Сантос, неговиот клуб.

-Тим се гради со вашата глава. Нејмар беше феномен кој помина оттука. Тој го направи тоа што го направи. Го освои она што го освои… Понекогаш тие приказни не се повторуваат. Можат да се повторат, никогаш не се знае… Но, мислам дека не е време Барселона да размислува за Нејмар, ниту пак Нејмар да размислува за тоа, -порача Деко.