Де Лихт за тренерската смена во Баерн: Бев изненаден, ние сме…

Актуелниот германски шампион Баерн Минхен се реши да направи голема промена пред завршницата на оваа сезона, промена на тренерската позиција која сега ќе ја извршува Томас Тухел кој доаѓа на местото на Јулијан Нагелсман.

Баварците се во игра за трите трофеи во кампањата, но главните луѓе во клубот одлучија дека е потребно Нагелсман да си замине поради одредени причини што секако беше изненадување за досга луѓе меѓу кои и играчите како што е Матијс Де Лихт.

-Не почувствував дека тоа ќе се случи, бев изненаден. Втори сме во лигата, во четвртфиналето на Купот и четвртфиналето на ЛШ. Се е во игра. Водечките луѓе решаваат кој ќе биде тренер, ама беше тешко апче да се проголта. Но, јас исто така верувам дека Тухел е тренер кој ни одговара, -истакна искрениот Холанѓанец за „НОС“.

Првиот меч за Баерн под водство на Тухел ќе биде дербито против Борусија Дортмунд на „Алијанц Арена“.