Де Хеа во улога на агент: Голманот убедува поранешен соиграч од Јунајтед да му се приклучи во Фиорентина

Фиорентина денеска ја извести јавноста за оифијално враќање на Стефано Пиоли на клупата на „виолетовите“, а неколку часа подоцна, значително се интензивираа шпекулациите дека искусниот италијански стручњак одобрил една операција за која интересно задолжен е Давид Де Хеа.

Клубот од Фиренца максимално профитираше од ангжманот на Де Хеа и му обезбеди нов договор на трофејниот голман, кој според информациите од чизмата, сега има за задача да убеди еден поранешен соиграч од Јунајтед да го следи неговиот чекор.

Виктор Линделоф беше едно од звучните имиња со кои Јунајтед се поздрави на крајот на сезоната, а во ситуација кога има улога на слободен агент, Фиорентина сака да го доведе без отштета како големо засилување во одбраната.

Искусниот стопер може да донесе квалитет и големи се шансите дека ќе му прилега фудбалот во Серија А, првенство каде се игра доста побавно во споредба на тоа што тој веќе го навикна во Премиер лигата.

Линделоф шест години ја делеше соблекувалната со Де Хеа на „Олд Трафорд“, па сега останува да се види дали ќе го прифати повикот од голманот кој успеа да се препороди откако заигра за „виолетовите“.