Де Бур со загрижувачка анализа за еден играч на Јунајтед: Шампион за губење топки

Фран Де Бур имаше респектабилна играчка кариера во која успеа да освои големи титули како Лигата на шампиони и Ла Лига, но како тренер не ужива таков статус и во англиската јавност важи за најлош менаџер во историјата на Премиер лигата.

Таквиот прекар му беше доделен од Жозе Мурињо и беше општоприфатен од англиската јавност, а тоа е последица на катастрофалниот рекорд кој го имаше како менаџер на Кристал Палас. Де Бур забележа четири порази без тимот да даде еден гол и експресно заработи отказ, а тоа беше доволно за да добие прекар кој воопшто не е пријатен.

И покрај тоа, Де Бур како аналитичар за „ВиаПлеј“ имал можност да биде на „Олд Трафорд“ во неделата, а правејќи анализа за тоа што го видел на теренот, посебно ги загрижи фановите на Јунајтед со заклучокот за Џошуа Зиркзе.

– Јас го ставив фокусот на Зиркзе, тој имаше кошмарен меч против Тотенхем, тоа беше шокантно за гледање во секој поглед. Колку пати направи погрешен потег на теренот? Не можев ниту да бројам……

– Испрати еден шут кон голот, но воглавно беше шампион за губење топки. Го гледав и пред мечот, за време на загревањето. Шутираше кон голот и ниту еднаш не ја погоди мрежата. Искрено, не го погоди голот ниту еднаш и тоа беше ужасно за гледање. Напаѓачите немаат луксуз да губат топки, а тој цело време го прави тоа, – анализира Де Бур.