Чави директен за ситуацијата со Дембеле: Постојат две решенија…

Усман Дембеле влезе во последните месеци од договорот со Барселона, а тоа дефинитивно ја зголеми тензијата меѓу клубот и претставниците на играчот затоа што се уште нема одговор за подадената рака од страна на составот од „Камп Ноу“.

Шпанскиот великан сака да го задржи Французинот и му има понудено нов договор, наводно и офанзивецот сака да остане, но не под тие понудени услови кои не се прифатливи за агентот кој според него заслужува многу повеќе.

Барса не сака повеќе да чека, трпението е при крај, па и тренерот Чави Ернандез кој постојано беше зад играчот и јавно порачуваше дека во него гледа многу важен дел во новиот проект му откажа љубов или поточно побара да биде завршена оваа ситуација.

-Пораката е јасна. Дембеле мора да потпише нов договор или ќе најдеме начин да го продадеме во јануари. Нема друг начин. Она што можам да го кажам е дека носиме тешка одлука. Доколку не продолжи, клубот одлучил да донесе одлука. Долго чекавме, пет месеци разговаравме со него. Или ќе ja обнови соработката или ќе се бара решение.

-Бев многу искрен со него, не е лесна ситуација. Сè или ништо. Се чувствуваме лошо, но она што е на прво место се интересите на клубот. Не се размислува да остане на трибините. Бев многу јасен со Усман, -истакна Чави пред дуелот со Атлетик Билбао во Купот на Шпанија.