Чалханоглу го потврди „предавството“: Да, постигнавме договор

Во текот на денешниот ден излезе информација дека турскиот репрезентативец и член на Милан, Хакан Чалханоглу се согласил следната сезона да го носи дресот на Интер.

Чалханоглу кој за неколку денови ќе стане слободен агент во текот на утрешниот ден ќе одлета за Милано каде ќе ги мине медицинските прегледи пред и официјално да стави потпис на договор со Интер и со тоа да го комплетира големото предавство.

Дека шпекулациите се вистина потврди и самиот играч во интервју за турските медиуми нагласувајќи дека утре ќе го потпише договорот со Интер.

– Да, постигнав договор со Интер. Утре летам во Милано, а потоа ќе го потпишам договорот, -изјави Чалханоглу за „ТрСпорт“.

Чалханоглу ќе потпише договор со Интер до 2024 година и според него ќе заработува по пет милиони евра годишно.