Бускетс за Меси и незадоволните фанови: Ние не сме машини или роботи…

Лионел Меси го избра Интер Мајами за негова нова дестинација во кариерата, потег со кој направи вистински бум во МЛС лигата, поточно САД и Канада.

Неговото доаѓање донесе и огромно зголемување на цените на билетите затоа што сите сакаат да го видат Аргентинецот кој пак во последните средби имаше проблеми и не можеше да настапи. Со ова разочара дел од навивачите, но за искусниот Серхио Бускетс е процес за кој луѓето мора да имаат разбирање, односно дека има ситуации во кои тие не можат да се појават на теренот.

-Ги разбираме луѓето и многу сме возбудени што доаѓаат, но ние не сме машини или роботи. Би сакале да играме секоја минута, но на крајот гледаме на долгорочното добро на тимот. Штета е за сите, не само за навивачите, -рече Бускетс.

Уште е неизесно дали Меси ќе може да му помогне на Интер Мајами во пресметката со Хјустон во финалето на Ју-Ес Опен Куп.

-Хендикеп е кога го немаш најдобриот играч на светот. Тоа прави значајна разлика во нашиот тим. Ќе чекаме утре и се надеваме дека ќе биде со нас и ќе ни помогне, но ако не, ќе имаме други членови на тимот и со нивните карактеристики, ќе се обидеме да ја направиме разликата и да бидеме најдобриот тим и да бидеме подготвени.

-Знаеме што е тој. Играме многу години. Сега знаеме еден со друг и знаеме што сакаме еден за друг и се трудиме да си помогнеме на најдобар начин. Секогаш е задоволство да се работи со него и да се игра со него, -порача играчот за врска.