Бугарите предизвикаа хаос во Софија, Унгарија со гол во 97. минута се пласираше на ЕП (Видео)

Натпреварот во Софија беше одбележан од голем хаос надвор од стадионот поради нередите кои ги создадоа лутите навивачи кои протестираат против раководството на Федерацијата, но иако Бугарија беше блиску до прекин на црната серија, на крајот остана без три бода.

Унгарија успеа да израмни на 2:2 во 97-та минута со автоголот на Петков, а тоа беше златен гол за гостите поради фактот што им обезбеди пласман на завршниот тирнир во Германија.

Унгарците цели 44 години не знаеја за пласман на еден континентален собир, но сега прават голем успех такашто трет пат во низа се пласираат на Европските првенства.

Всушност, Унгарија е десеттата селекција која официјално обезбеди пласман за првенството на кое домаќин ќе биде Германија наредното лето, турнир на кое покрај овие две селекции, виза обезедија уште осум други.

Тоа се репрезентацииите на Англија, Австрија, Белгија, Шкотска, Шпанија, Франција, Португалија и Турција.

Mad scenes in Sofia outside the National Stadium where Bulgaria plays Hungary behind closed doors: clashes between fans and police forces, water bombs and cars set on fire… pic.twitter.com/KcIU1Foskd

— Metodi_Shumanov (@shumanskoo) November 16, 2023