Брегалница и Скопје на доминатен начин се вратија во македонската фудбалска елита

Брегалница издоминира на фантастичен начин од почетокот на сезоната и денеска и математички го обезбеди пласманот во Првата македонската фудбалска лига, откако со триумфот над Кожув стигна и до 21-та победа во шампионатот.

Со биланс од 21 победа и 4 реми средби на 25 натпервари во втората лига Исток, Брегалница докажа дека е класа за себе во оваа конкуренција, па по пауза од четири години, повторно ќе го гледаме овој тим во елитното друштво како директен патник во Првата лига.

До ист успех стигна и Скопје кој исто така е повратник во најсилното натпреварување, откако денеска го победи Охрид со 2:0 и стави крај на сите нејаснотии околу тоа кој ќе биде директен патник во Првата лига од втората лига Запад.

Скопје отиде на плус 11 во однос на Велешта и математички обезбеди пласман во повисок ранг, па сега, до крајот на сезоната, останува да видиме кои два тима ќе завршат втори и ќе се изборат за бараж, во кој ќе играат против 9-та и 10-та екипа во Првата македонската фудбалска лига.