Бразилец разочаран од Ѓоковиќ: Не провоцираше на теренот, треба да има одредени граници

Новак Ѓоковиќ одличниот ден на Олимписките Игри во Токио го круниса со триумф во мешани двојки со Нина Стајановиќ.

Српската комбинација беше подобра од Марсело Мело и Луиза Стефани со 2-0 во сетови (6-3, 6-4). Меѓутоа по поразот Бразилците имаат што да кажат и се пожалија на однесувањето на првиот светски рекет.

-Ме изненади, ама на негативен начин. Немаше потреба од тоа. Пред два дена, тој сними видео во кое зборува за Бразил и Бразилците, за нашата енергија, а сега вака се однесува … Имаше смеч директно во мојот грб кој не мораше така да го одигра. Ама добро, ова е тенис и секој се обидува да го игра онака како што сака. Јас лично никогаш така не би играл.

-Постојат работи што не можам да ги разберам. Како и зошто? Не направивме ништо за тоа да го заслужиме. Во еден момент за малку ќе ја погодеше Луиза. Секако, ова се Олимписки игри, сè се случува на теренот, тој тоа го прави во играта, но треба да има одредени граници. Многу луѓе би се замислиле. Не сакам да создавам полемики и контровери, но секој што го гледал натпреварот и може да чита меѓу редови знае за што зборувам, -истакна Мело кој е специјалист за игра во двојки.

На ова краток коментар имаше Ѓоковиќ.

-Мело вели дека сум го провоцирал? Сериозно? Навистина немам никаков коментар на тоа, -порача Србинот.