Бизарна сцена во ЛШ: Дефанзивецот на Јувентус му ја одзема топката на Роналдо (Видео)

Кристијано Роналдо немаше најдобра вечер при посетата на родната Португалија, не само поради неповолниот резултат кој го оствари неговиот Јувентус, туку и поради фрустрациите со кои се соочуваше и на крајот ги искажуваше по истекот на 94-те минути.

Португалецот беше бесен на судијата Дел Серо кој не досуди пенал за Јуве во последната акција од средбата која заврши 2:1, но покрај ова, првата ѕвезда на италијанскиот првак се најде во прв план и поради една бизарна ситуација на теренот.

Јувентус одигра катастрофални 80 минути на „Драгао“ и изгледаше како тим кој заслужува да има и поголема негатива од 2:0, а најдобра отслика за тоа беше акцијата од вториот дел во која Роналдо гледаше како негов соиграч му ја одзема топката.

Алекс Сандро не ги завршуваше баш најдобро своите дефанзивни задачи кога Јуве прими втор гол, но затоа успеа да го блокира Кристијано и да му ја одземе топката, со што ја изрежира најчудната сцена на натпреварот на „Драгао“.

ARE.
YOU.
SERIOUS.#PortoJuventus pic.twitter.com/p1Ne6kW5l6

— Tancredi Palmeri (@tancredipalmeri) February 17, 2021