Поврзете се со нас

Англија

Бесните навивачи на Челси се свртеа против Покетино и извикуваа едно тренерско име од трибините (Видео)

Објавено

на

Foto:twitter.com/ChelseaFC

Челси на драматичен начин загуби од Ливерпул во финалето на „Вембли“ пред една недела и неколку дена подоцна едвај го победи Лидс, а денеска повторно се мачеше на натпревар во Премиер лигата.

Иако поведе против Брентфорд и се чинеше дека ги контролира работите на теренот, тимот на Маурисио Покетино одново покажа голем пад во вториот дел, па набрзина прими два гола и домаќинот поведе со 2:1.

Ремек-делото на Виса сигурно ќе биде кандидат за гол на сезоната во Премиер лигата, а во тие моменти навивачите на Челси беа до толку бесни, што направи да бидат и најгласни на стадионот.

Гостинските фанови испратија низа навреди кон Тод Боли и Маурисио Покетино и побараа од менаџерот да си замине, но истовремено извикуваа и едно тренерско име како идеален наследник.

Навивачите обоени во сино го извикуваа името на Жозе Мурињо и побараа трет мандат за Португалецот на „Стемфорд Бриџ“, па овие коментари веднаш по мечот кој на крајот заврши 2:2 мораше да ги коментира и Покетино.

– Ми беше кажано што извикувале навивачите, јас не слушнав. Искрено ви велам дека не слушнав, но верувам во тоа што ми го кажаа. Губевме 2:1 и нормално е фановите да ја искажат својата фрустрација. Јас сум најодговорен како менаџер и предводник на овој тим. Мора да прифатиме како стојат работите во овој момент, ќе се обидеме да ја изградиме довербата врз остварени резултати. Ако почнеме да победуваме, односот ќе се поправи. Ќе продолжам да работам напорно и ќе ја променам актуелната ситуацијата, – порача Покетино.

Реклама
Реклама
Реклама

Популарни