Поврзете се со нас

Италија

Белоти стана прекуброен кај Де Роси и експресно си пронајде нов клуб во Серија А (Фото)

Објавено

на

Foto:twitter.com/ACFFiorentinaEN

Рома успеа да ги договори Анхелињо и Балданци за новиот проект на тренерот Даниеле Де Роси, но актуелниот предводник на „волчицата“ даде зелено светло и за заминување на Андреа Белоти.

Популарниот „петел“ доби нов договор од Рома по крајот на минатата сезона и покрај тоа што не брилјираше, меѓутоа Жозе Мурињо остана задоволен од залагањето на фудбалери и сметаше на него и во првиот дел од сезоната.

Белоти забележа 14 настапи за Рома од стартот на сезоната и запиша три гола и две асистенции, но очигледно му стана јасно дека стана прекуброен кај наследникот на Мурињо.

Поранешниот италијански репрезентативец ги искористи последните часови од зимскиот преоден рок за да направи трансфер, па веќе позираше како нов играч на Фиорентина.

„Виолетовите“ го добија потписот на искусниот напаѓач и го договорија како позајмен фудбалер до крајот на сезоната, а планот е да дебитира уште со Лече на натпреварот кој се игра во петок.

Реклама
Реклама
Реклама

Популарни