Беќири: Го анализиравме ТНС, играчите добија вистински информации

Шкендија има добри спомени од ТНС во Европа и судбината повторно ги спои овие два тима во најава за Лигата на шампиони, натпреварување за кое утре стартуваат квалификациите.

Македонскиот првак стартува од првата рунда и ќе ги одмери силите со велшкиот ривал, а пред утрешното гостување на Островот, членоците на Шкендија денеска го одработија и предвидениот прес.

Јетон Беќири како тренер на тетовчани е задоволен од подготовките кои ги одработил неговиот тим за овој двомеч, па верува дека утре на теренот ќе видиме резултати од тоа.

– Целосно сме подготвени да се соочиме со утрешниот противник. Од почетокот на подготвителната фаза работевме многу сериозно и уште по самата ждрепка се подготвувавме за овој ривал. Верувам дека тимот и играчите ќе го дадат својот максимум на теренот.

– Верувам дека добро ги анализиравме, успеавме да ги добиеме вистинските информации за нив и очекуваме добар исход. Се надевам дека им дадов добри информации на играчите, од нив очекувам да излезат на теренот и да го дадат максимумот за поволен резултат, – изјави Беќири.