Бејл со јасна провокација: Горд сум на него, Тотенхем е секогаш многу подобар избор од Арсенал

Герет Бејл замина во клупска и репрезентативна пензија по крајот на Светското првенство во Катар, па сега како слободен човек кој ужива во своето време, начесто се занимава со играње голф.

Поранешниот фудбалер на Реал Мадрид и Тотенхем знае како да се изолира и доста ретко се дрзнува да дава интервјуа за медиумите, но сега последното обраќање за „Скај Спортс“ го искористи за да испрати провокација до Арсенал.

Како верен член на Тотенхем, Бејл секако не чувствува симпатии кон лутиот ривал од Северен Лондон, па тоа го покажа и со изјавата која ја даде за својот сонародник Бренан Џонсон.

Тотенхем го купи Џонсон во последниот ден од летниот преоден рок за 55 милиони евра, а Бејл вели дека е горд на својот млад 22-годишен сонародник.

– Бренан сега ќе игра на највисоко ниво и за него граница е само небото. Мора да продолжи да напредува, да игра како што го прави тоа досега и сигурен сум дека ќе биде клучен за Тотенхем и Велс. Горд сум што го избра Тотенхем, тоа е многу подобар избор од Арсенал, – изјави Бејл.