Бастијанини го истурка Мартин за победа на Мизано, Бањаја му подари подиум на Маркез (Видео)

Хорхе Мартин пред две недели направи голема тактичка глупост на Мизано, а денеска на истата патека беше престигнат во последниот круг и остана без првото место.

Шпанскиот мотоциклист водеше речиси цела трка откако го мина Пеко Бањаја и зад себе го имаше Енеа Бастијанини, но домашниот возач дочека напад во последниот круг и со доста агресивен пристап успеа да го мине Мартин.

Иако беше на границите на дозволеното, стјуардите одлучија дека станува збор за чист потег од Бастијанини и така победата за големата награда на Емилија Ромања му припадна на Италијанецот, а со оваа одлука дефинитивно не се согласи Хорхе кој не го криеше незадоволството по крајот на трката.

Покрај Бастијанини и Мартин, последното место на пиедесталот му припадна на Марк Маркез, а тоа се случи откако Шпанецот доби огромен порадок од Бањаја.

Светскиот шампион притискаше да остане блиску до водечкиот двоец, но префорсира на седум круга пред крајот и доживеа пад во осмиот свиок.

На овој начин, Мартин ја зголеми предноста во генералниот пласман, Бањаја останува втор, додека по денешната победа трет е Бастијанини кој има еден бод повеќе од четвртопласираниот Маркез.

Историски гледано, ова беше јубилејна 100-та победа за Дукати како тим во Мото ГП, па затоа сите во црвениот табор посебно и се израдуваа на истата.

CAN YOU BELIEVE IT?! 🤯@88jorgemartin has just been GIFTED a possible 29-point championship advantage! 💥#EmiliaRomagnaGP 🏁 pic.twitter.com/p0mUTnHABL

— MotoGP™🏁 (@MotoGP) September 22, 2024

🚨 ONE LAP TO GO! 🚨@BESTIA23 FORCES @88JORGEMARTIN TO GIVE! 🤯#EmiliaRomagnaGP 🏁 pic.twitter.com/l7zz01URvj

— MotoGP™🏁 (@MotoGP) September 22, 2024