Башкими потврди три летни засилувања во еден ден, последното го најави како „трансфер бомба“ (Видео)

Башкими продолжи со серијата на ангажмани за новата натпреварувачка сезона и денеска во еден ден потврди три нови засилувања, од кои последното го најави како „трансфер бомба“.

Клубот од Куманово очигледно ќе има големи амбиции откако обезбеди прволигашки статус, а доказ за тоа се активностите на стартот на летниот преоден рок.

Денот започна со потврда на Иса Адекунле од Нигерија кој е засилување за нападот, потоа беше официјализиран ангажманот на вториот Авганистанец, Мозафер Ахади, додека денот се затвори со трансфер на Фарук Бихорац.

– Со лавовско срце и вредно искуство, Фарук Бихорац официјално се приклучува на семејството на ФК Башкими 1947 година! Столб во одбраната, лидер на теренот, подготвен да се бори за црно-зелените бои!

– Со солидна кариера во клубови како Нови Пазар, Влазниа, Металац, Борац Бања Лука и други, Бихорац со себе носи меѓународно искуство и победнички менталитет. Нашиот тим добива не само дефанзивец, туку и лидер со карактер и искуство, – гласи објавата на Башкими.