Барселона спрема терен за шокантен трансфер во 2024 година

Шпанскиот шампион Барселона веќе некое време има проблеми кога се во прашање финансиите, а сето тоа комбинирано со строгите правила на Ла Лига придонесуваат каталонците да бидат доста тивки на пазарот кога е во прашање купување на играчи.

Имено Барса постојано бара играчи кои може да ги донесе без обештетување, играчи на кои им истекуваат договорите, па така клубот веќе размислува за потезите во 2024 година.

Според „Спорт“ актуелниот шпански првак може да направи еден изненадувачки трансфер, потег со ангажман на интернационалецот од Нигерија, Вилфред Ндиди.

Ндиди е член на англискиот второлигаш Лестер и неговиот договор истекува наредното лето, ситуација која Барса сака да ја искористи и го привлече на „Камп Ноу“. Ндиди има 26 години и ја покрива средината на теренот, поточно е последен играч за врска, позиција која е проблематична за клубот од Ла Лига по заминувањето на Бускетс.