Баркли за новото дуо во Лејкерс: Ќе биде тешко да играат заедно…

Во НБА лигата и понатаму главна вест е трједот во кој беа вклучени големите ѕвезди Лука Дончиќ и Ентони Дејвис кои беа принудени да ги променат клупските средина, па така Словенецот во иднина ќе биде дел од Лос Анџелес Лејкерс, а Американецот ќе го носи дресот на Далас Маверикс.

Двајцата беа шокирани со потезите на нивните клубови, но ова е голем бизнис и двајцата ќе треба да заборават на се што се случи и да се фокусираат на новите предизвици, да помогнат во битките кои престојат.

Кој ќе биде победник од овој трејд ќе покаже времето, а во меѓувреме дефинитивно ќе имаме доста коментари, па така легендариот Чарлс Баркли порача дека не верува премногу во новото дуо на Лејкерс, Леброн Џејмс-Лука Дончиќ.

-Нема да биде лесно во Лос Анџелес, затоа што Дончиќ и Леброн ја сакаат топката 100 проценти од времето. Лука не се движи без топка, а и Леброн не се движи без топка. Ќе биде тешко кога тие двајца ќе се обидат да играат заедно, -порача Чарлс кој верува дека Дејвис побрзо, подобро ќе се снајде во Далас.