Барди „раскинал“ со Трабзонспор, може да се врати во Шпанија

Македонскиот репрезентативец, Енис Барди веќе некое време не беше во конкуренција за настап за Трабзонспор, односно беше оставен на страна заедно со уште неколку негови соиграчи.

Ова беше јасна порака од клубот дека повеќе не смета на нивните услуги, па секој да си бара нова средина со тоа што за нас најважно е прашање поврзано со Барди кој пак според последните вести веќе го раскинал договорот со турскиот прволигаш.

Истиот завршуваше на 30 јуни, но сега Енис има чисти документи и ќе може да се пресели во клуб во кој ќе го добие статусот што го заслужува.

Има интерес од некои клубот од Шпанија што за Барди би значело камбек на Пиринеите со оглед на тоа што успешно настапуваше за Леванте во периодот од 2017 до 2022 година.