Бакиќ: Македонците се квалитетни, но ние имавме подобри шанси и победивме

Македонија доживеа пораз од Црна Гора од 1-0 на пријателската средба која се одигра во Анталија, Турција.

Црногорците имаа само еден шут во рамките на голот на Димитриевски, но истиот беше доволен за да остварат триумф кој за нив беше втор во овој репрезентативец „прозорец“ со оглед на тоа што претходно ја добија и Белорусија со 2-0.

-Во репрезентацијата сум 13 и пол години и ова е една од најдобрите акции што сме ги имале – мислам на атмосферата, феноменалната работа, а овие две победи се наградата.

-Има голема заслуга за селекторот кој донесе нова, позитивна енергија и нови идеи кои сакаме да ги пренесеме на теренот. Некогаш ќе биде потешко, некогаш полесно и чест ни е да работиме со таква фудбалска големина. Ќе се обидеме да ги исполниме сите задачи, -истакна Марко Бакиќ кој даде краток коментар и за соочувањето со избраниците на Благоја Милевски.

-Тие се квалитетна екипа, имаа поголем посед. Дадовме се од себе да им парираме, имавме подобри шанси и триумфиравме. Ја забележавме втората победа за четири дена, тоа е голем поттик за понатамошна работа, -порача членот на грчки Офи.