Баерн возврати: Не го одобруваме соопштението на Флик, договоривме само едно

Ханс Дитер Флик вчера јавно соопшти дека доставил барање од клубот за раскин на договорот по крајот на сезоната, порака со која јасно стави до знаење дека неговата желба е да го напушти кормилото откако се создаде токсична атмосфера во европскиот шампион во последно време.

Недоразибрањето на релација Ханси Флик-Хасан Салихамиџиќ достигна степен преку кој не може да се мине без да останат последици, па тренерот реши прв да повлече потег и самостојно побара да се повлече. Иако пораката прво ја дознале одговорните лица на клубот и играчите на Баерн, Флик по вчерашната победа над Волфзбург процени дека е најдобро време оваа вест да стана е јавна, по што денеска следеше официјално соопштение од клупскиот врв.

– Вчера тренерот на Баерн, Ханси Флик, јавно ја објави својата желба за раскинување на договорот кој трае до јуни 2023-та година. Ханси Флик го информираше извршниот одбор на Баерн Минхен за оваа своја желба во текот на неделата која изминува.

– Флик и Баерн се договорија фокусот да се стави на натпреварите против Волфзбург, Леверкузен и Мајнц, со цел да не се наруши концентрацијата на целиот клуб во пресрет на овие три важни натпревари во битката за титулата.

– ФК Баерн не го одобрува едностраното соопштение од Флик и ќе ги продолжи разговорите со тренерот по натпрварот со Мајнц, онака како што се договоривме, – гласи соопштението, кое индиректно најавува дека клубот сака да преговара со Флик во обидот да го разубеди во својата првична одлука.