Бадел се засили со Американка која била МВП во Англија

Составот на Бадел 1862 го промовираше првото странско засилување за новата сезона-тоа е Американката Линдзи Клири.

Клири има 27 години и ги покрива позициите 4 и 5, крилен центар и центар.

-Се радувам што ќе играм за Бадел, очекувам да го пронајдам мојот ритам со тимот и да придонесам за победничка сезона. Благодарна сум што можам да ја донесам мојата работна етика која пак ми донесе награди за настап на Ол Стар и МВП во претходните сезони. Моето искуство ме научи да се фокусирам на она што можам да го контролирам: мојот став, напор и комуникација. На теренот, се надевам дека ќе ги инспирирам моите соиграчи да работат напорно и да играат едни за други. Дополнително, би ја ценела можноста да тренирам млади играчи, се надевам дека моето искуство ќе биде добредојдено. Надвор од теренот, се радувам што ќе доживеам друга култура, мојата желба е да научам повеќе за ова ново место, -истакна Клири.

Линдзи доаѓа од редовите на Брен Булс од Англија каде што била МВП на шампионатот. Таа имала просек од 19.5 поени, 10.7 скока, и 2,8 асистенции по натпревар.

Инаку Бадел претходно го промовираше Дарко Димитријевиќ во нов тренер, а обновени беа соработките со Јована Петрушевска, Марија Николов и Љубица Бошкова.