Атлетико „испука петарда“ и им испрати јасна порака на Реал и Барселона

Атлетико Мадрид не играше добро во последниот период и со тоа им овозможи на Реал Мадрид и Барселона да се вратат во трката за табелата.

Меѓутоа четата на Диего Симеоне и покрај сите киксови понатаму е на првото место и нема намера истото да го даде, а тоа може да се заклучи по денешната партија во која тие го уништија Еибар со 5-0. Атлетико е позната како екипа која рутински ги „дроби“ противниците, меѓутоа попладенов приказната беше поинаква и тие до врв ја наполнија мрежата на противникот.

Кореа во финишот на првото полувреме даде два гола за да потоа на сцена стапат Љоренте (2) и Караско за „петарда“.

Колчонеросите сега имаат 70 бода, Реал и Барса имаат по 66 и 65, ама и натпревар помалку.