Поврзете се со нас

Италија

Атлетико го кочи трансферот на Кеан, операцијата влегува во критична фаза

Објавено

на

Фото: twitter.com/juventusfc

Договорот меѓу Јувентус и Атлетико Мадрид за трансфер на Моизе Кеан е комплетиран и досега требаше да биде реализиран, но последните информации од Италија и Шпанија откриваат зошто дошло до „ќор-сокак“ и во моментов нејасно е дали напаѓачот ќе излезе од истиот.

Според прогнозите, Кеан требаше да биде потврден како засилување за Атлетико уште вчеравече на „Метрополитано“, меѓутоа клубот од шпанската престолнина го одложил тоа поради резултатите од медицинските тестови.

Напаѓачот на Јувентус пристигнал повреден во Мадрид и во Атлетико не се целосно задоволни од лекарските прегледи, па во моментов целосната зделка е стопирана на неодредено време.

„Скај Спорт“ објаснува дека ова не значи дефинитивн пропаѓање на операцијата, туку едноставно Атлетико купува малку време, а можеби се обидува и да се „исценка“ за уште некој попуст.

Кеан нема одиграно ниту една минута за Јувентус од почетокот на месец декември минатата година, но иако имаше најава за подобри денови, сега повторно мора да чека конечна разврска на ситуацијата во последните 48 часа од зимскиот преоден рок.

Реклама
Реклама
Реклама

Популарни