Артета за гребаниците на Гвардиола: Знам колку е тешка и безмилосна нашата работа

Пеп Гвардиола го сврте вниманието на себе после најлошата серија во неговата тренерска кариера, но шокот кој го режираше Феенорд на „Итихад“ направи да видиме и незапаметени сцени кога е Шпанецот во прашање.

Гвардиола се појави на пресот со гребаници на главата и расекотина на носот, при што на новинарите им порача дека се самоповредил како резултат на нервоза.

Ова негово издание предизвика многу коментари во јавноста и дел од медиумите почнаа да се запрашуваат за психолошката состојба на менаџерот, кој сега доби поддршка од својот поранешен асистент, Микел Артета.

– Гребаниците на Гвардиола? Тоа е нешто лично и не би навлегувал детално. Јас како колега, можам да кажам дека чувствувам голема симпатија кон него. Знам колку е тешка и безмилосна нашата работа, знам колку може да биде сурова оваа индустрија и знам дека ќе му се суди само за резултатите.

– Луѓето треба да го затворат тој случај и да продолжат напред. Знам колку може да биде тешко, секој пораз е супер тежок за прифаќање на ова ниво. Не треба да се навраќаме на тој момент, да одиме напред бидејќи фудбалот секогаш ви нуди шанса на следниот меч, – вели Артета.