Антони доби ново МВП признание во Шпанија, но го заврши мечот со горчлив вкус: Мора да го промениме менталитетот (Фото)

Антони на втор натпревар во низа беше избран за МВП од страна на шпанската Ла Лига, дури и во ситуација кога неговиот нов тим претрпе тежок пораз на „Балаидос“.

Големото засилување на Бетис од Манчестер Јунајтед дебитираше со МВП издание во дербито против Атлетик Билбао, па сето тоа го надоврза со гол и нова одлична претстава против Селта.

Антони го постигна првиот погодок во шпанската Ла Лига и повторно беше избран за најдобар играч на теренот, но тоа беше мала утеха со оглед на тоа што Селта се врати од негатива од 0:2, за на крајот да победи со 3:2.

– Кратко време сум тука, но тешко е да се сфати како го загубивме овој меч. Почнавме многу добро, поведовме 2:0 и потоа се изгубивме.

– Мора да го промениме овој менталитет, мора да останеме фокусирани во текот на сите 90 минути. Мора да го промениме овој менталитет, треба добро да го почнеме, но и да го завршиме мечот, – изјави Антони.

2 MOTM IN 2 GAMES FOR ANTONY😭 pic.twitter.com/9yidixF8Nq

— Trey (@UTDTrey) February 8, 2025

Two La Liga games, two Man of the Match awards for Antony 😏 pic.twitter.com/fLUOcn3PlR

— B/R Football (@brfootball) February 8, 2025