Анисимова и посвети уникатен говор на својата мајка по историскиот пораз во финалето на Вимблдон (Видео)

Аманда Анисимова имаше величествен пат до големото финале на Вимблдон, но за жал денеска едноставно не успеа да се справи со емоциите и тремата, но и со разиграната Ига Швјонтек која се прикажа во брутално издание.

Американката не освои ниту еден гејм во историското финале кое заврши со резултат 6:0 и 6:0, па така Анисимова стана првата тенисерка во Опен ерата која го завршила неделниот меч со „нула“ зад својата статистика.

Ова е болен пораз кој дефинитивно не го посакуваше ниту еден член од нејзиниот тим, но и покрај тоа, Аманда им се заблагодари на сите, а особено на својата мајка која допатувала од САД.

– Мојата мајка е најнесебичната личност која ја знам, таа направи се за да стигнам до тука во мојот живот, – изјави расплаканата Анисимова, која остана без својот татко на 17-годишна возраст (2019-та година).

– Ти благодарам што си тука и што го прекрши суеверието кое го имаш за летање. Дефинитивно не загубив поради тоа што леташе дотука, – додаде Анисиова, која успеа да се насмее после толку пролеани солзи.

– Среќна сум што го делам овој момент со тебе, среќна сум што си тука во живо. Знам дека веќе не можеш да ме гледаш често во живо како порано, а тоа е така бидејќи правиш се за мене и мојата сестра. Навистина многу те сакам, – и порача Аманда на својата мајка која исто така не ги криеше емоциите на трибините.

It wasn't the day Amanda Anisimova dreamed of, but she spoke with class and grace as she thanked her team and in particular her mum for being there 💚💜#Wimbledon pic.twitter.com/T2dUThqq1Q

— Wimbledon (@Wimbledon) July 12, 2025