Анчелоти: Последните „Ел Класико“ средби беа навистина чудни

Карло Анчелоти ја означи како „целосно непотребна“ завршната мешаница меѓу фудбалерите на Реал Мадрид и Мајорка, но истовремено, италијанскиот стручњак ги остави случувањата од теренот зад себе и веќе се насочува кон она што следи во недела.

Реал со победата од 3:0 се избори за нов пласман во финалето на Суперкупот, а навивачите во Саудиска Арабија дефинитивно го добија тоа што посакуваа, односно „Ел Класико“ завршница.

„Кралевите“ сигурно ќе имаат голем мотив за реванш откако загубија на првото овосезонски дуел со 0:4 на домашен терен, но Анчелоти потсети дека неодамна и Барселона беше таа која прими четири гола од Реал, и тоа токму во финалето на Суперкупот.

– Заслуживме да победиме против Мајорка и сега со мислите сме во финалето. Во недела играме против Барселона и ќе мора да одиграме добар меч во двата правци.

– Последните „Ел Класико“ средби беа навистина чудни. Во последно време, не може да се предвиди ништо на едно „Ел Класико“. Двапати не победија 0:4, но и ние ги победивме лани со 4:1 во Саудиска Арабија. Не знам што може да се очекува, јас само се надевам дека ќе бидеме подобри од Барселона, – изјавил Анчелоти, кој пред шпанските новинари одбил да го коментира прашањето поврзано за помилувањата на Дани Олмо и Пау Виктор, играчи кои довчера беа нерегистрирани, а кои сега ќе можат да настап во финалето.