Алонсо веднаш пронајде нов клуб во Германија

Еурофарм Пелистер рано утрово ја информираше јавноста дека ја завршува соработката со Раул Алонсо и тоа на барање на стратегот.

Алонсо побарал да си замине поради приватни, семејни причини, меѓутоа брзо откако беше официјализирана разделбата пристигна нова информација за Шпанецот за негов ангажман во бундеслигашот Лајпциг.

-Многу сум среќен поради новиот предизвик во Лајпциг. Клубот и градот оставија многу добар впечаток врз мене, како и разговорите со Карстен Гинтер и Бастијан Рошек. Ви благодарам за довербата и се надевам дека наскоро ќе соработуваме со тимот и ќе напредуваме чекор по чекор заедно, -истакна Раул по потписот со тимот кој заврши на 13 место во германскиот шампионат.

Стратегот потпиша двегодишен договор со новиот клуб.

Алонсо се збогуваше со Пелистер и Битола: Тоа што го доживеавме заедно беше навистина посебно…