Агуеро самиот откри дали има вистина во гласините за сензационален кам-бек на терените (Видео)

Серхио Агуеро поради срцеви проблеми мораше да стави крај на кариерата во 2021-ва година, но изминативе неколку дена се појавија сензационални информации за негово враќање на терените, сето тоа како последица на изјавата која ја даде неговиот кардиолог.

Аргентинецот последно беше присутен на последниот натпревар кој го одигра Индепендиенте и се појавија силни гласини дека тој ќе почна да тренира со матичниот клуб, по што би добил шанса и за соработка со Карлос Тевез кој е тренер во првиот тим.

Кам-бекот на Кун стана навистина популарна тема во Аргентина, но сега самиот тој реши да ги спласне реакциите, потенцирајќи дека сите вести за негово враќање на терените се лажни.

– Сакам да порачам дека сите вести за мое враќање во Индепендиенте се лажни. Нема да тренирам со Индепендиенте, – порача Кун и додаде.

– Кардиологот кажа дека сум подобар и тоа е одлична вест за моето здравје, но за да можам да тренирам на највисоко можно ниво, потребни се уште голем број испитувања, – заврши Аргентинецот.

Kun Aguero en Twich “A muchos les estará llegando la noticia. Es totalmente mentira. No voy a entrenar con #Independiente . A veces se inventan cosas. Para volver a entrenarme en alto nivel me faltan muchos estudios”.

pic.twitter.com/dJ7IOsETwI

— Matias Martinez (@Mati_Martinez) February 26, 2024