Адеми пресече и донесе конечна одлука за својата иднина во Македонија

Проблемите со повредите направија Аријан Адеми повеќе од шест месеци да биде недостапен за македонската фудбалска репрезентација, па се појавија и шпекулации дека „лавот“ во средниот ред на Македонија планира да стави крај на репрезентативната кариера.

Овие гласини сега допреа до самиот фудбалер кој се наоѓа во Хрватска, од каде јасно и гласно демантираше дека ставил крај на епизодата со македонскиот национален тим.

Адеми најави дека зборувал со селекторот Благоја Милевски и му се ставил на располагање за сите наредни предзвици, започнувајќи со квалификациите за Европското првенство.

– Одлучив да продолжам да играм за репрезентацијата на Македонија. Сакам, можам и ќе го правам тоа. Зборував и со селекторот на Македонија, му порачав дека сакам да бидам дел од тимот.

– Тешко мие е да се простам од репрезентацијата. Групата на луѓе во тимот е одлична, играме за својата земја и гордо го претставуваме дресот. Се пласиравме на последното Европско првенство и сакаме да го повториме тој успех. Знаеме дека сме во тешка група и дека нема да биде едноставно. Но, ние ја победивме Германија, потоа и Италија и немаме зошто да се плашиме од било кој. Италијанците ќе бидат посебно мотивирани против нас бидејќи ги оставивме без мундијал, но и ние ќе бидеме мотивирани и напалени. Веруваме во уште некоја голема победа, – заклучува Адеми во интервјуто за хрватски „Германијак“.