Женското финале не мина без контроверзи: Германките сметаат дека се оштетени од судиите

Женската фудбалска репрезентација на Англија ја совлада Германија со 2:1 во вчерашното финале на Европското првенство и стигна до толку посакуваниот трофеј пред своите фанови.

Англичанките постигнаа гол во продолжението за да ја решат драмата во своја корист, но противникот испрати сериозна замерка до судиите.

Во 26. минута од средбата на „Вембли“, англискиот капитен Леа Вилијамсон играше со рака непосредно пред сопствениот гол, нешто што не беше забележано од украинската судијка Катерина Монзул.

ВАР собата реши да ја прегледа снимката, а италијанскиот судија Паоло Валери, по одреден период дозволи играта да продолжи и Англичанките се извлекоа без пенал, па можеби и црвен картон во оваа ситуација.

– Тоа беше чисто играње со рака, не знам како некој не успеа да го види тоа.

– Ако веќе се гледала ситуацијата и во ВАР собата, тогаш навистина не разбирам, одговорните мора да објаснат што се случило, – изјавила германската селекторка Мартина Фос-Текленбург.

Congratulations to the English football team on winning the cup.
Unfortunately, the exciting game was marred by Williamson’s clear handball. Referee Monzul relies on the opinions of VAR Valeri and Van Boikel and doesn’t even look herself.
It could hardly be clearer. pic.twitter.com/dsAK8i2UEZ

— Dobrindt, Ela (@Dobrindt1) August 1, 2022