Вардар рутински ги освои бодовите против Струга

Ракометарите на Вардар забележаа победа во денешниот дуел од плејофот на машката ракометна Супер лига, освојувајќи ги бодовите против Струга (29:20), во натпревар на кој фаворитот не дозволи никакво изненадување.

По киксот против Тиквеш, „црвено-црните“ уште во првиот дел против Струга водеа со 16:8, па до крајот рутински ја потврдија победата во новата рунда од домашното првенство.

Најефикасен во победничкиот тим беше Бакар со 8 гола, додека на спротивната страна, два повеќе постигна Бошњак, но неговиот ефект не можеше да ја спаси Струга од новиот неуспех.

По денешниот четврти настап, Вардар има ефект 2-2 во рамките на плејофот.