Ван Дајк: Не знам дали ќе останам во Ливерпул

Вирџил ван Дајк има договор со Ливерпул до крајот на сезоната, а во последната изјава потенцирал дека засега не знае дали ќе остане во редовите на премиерлигашот.

Капитенот е еден од тројцата важни играчи на „црвените“ чии договори истекуваат во јуни, а по елиминацијата од ПСЖ во Лигата на шампионите, не испратил посебно оптимистички зборови во однос на својот статус на „Енфилд“.

Претходните изјави на Ван Дајк делуваа попозитивно во однос на продолжување на соработката со Ливерпул, но синоќа холандскиот стопер бил многу неодреден.

– Во моментов не знам дали ќе останам.

– Навистина не знам што ќе се случува и ако некој ви каже дека знае, тогаш ве лаже.

– Сите знаат дека постојат одредени разговори зад сцената, но тоа е се што може да се каже во моментов. Останува да се фокусираме на последните натпревари сезонава, кога ќе има вест, ќе ја соопштиме, – изјавил Ван Дајк.