Тен Хаг: Манчестер Јунајтед игра највеќе натпревари во цела Европа

Манчестер Јунајтед им се враќа на премиерлигашките обврски со дуел против незгоден противник каков што е Њукасл, а менаџерот Ерик тен Хаг е оптимист дека во составот ќе го има Маркус Рашфорд.

Напаѓачот ги пропушти натпреварите на англиската репрезентација и го искористи одморот за посета на Њујорк, нешто што Тен Хаг смета дека ќе влијае позитивно на фудбалерот.

– Мислам дека е позитивно што си зема одмор, тој и Бруно играа најмногу натпревари од целиот тим.

– Мислам дека Јунајтед игра најмногу натпревари во цела Европа, а нашите репрезентативци често се стандардни во своите национални тимови.

– Затоа и фудбалерите имаат многу минути во оваа луда сезона, па им треба време да земат здив и да акумулираат енергија.

– Според мене позитивно е што малку се исклучи од фудбалот, забележав дека е посвеж и помотивиран неделава, – изјавил Тен Хаг.

Натпреварот Њукасл-Манчестер Јунајтед се игра утре од 17:30 часот.