Тебас смета дека Барселона заслужува да и бидат одземени бодови ако е виновна во случајот „Негреира“

Хавиер Тебас не го крие задоволството што случајот „Негреира“ кулминираше со официјално обвинение за корупција кон Барселона и потенцира дека Ла Лига бил единствениот субјект кој не престанал да бара одговорност за клубот поради овој случај.

Барса и двајца нејзнини поранешни претседатели ќе одговараат поради парите кои му биле исплатувани на поранешниот потпретседател на судиската комисија, а Тебас на денешното појавување во јавноста зборувал за оваа ситуација.

– Треба да се видат аргументите на обвинителството и да се разгледаат точките по кои клубот е обвинет. Но, она што можам да го кажам е дека претресот во просториите на судиската комисија е резултат на барањата и притисокот направени од Ла Лига.

– Ние сме единствени кои се јавуваме во улога на заинтересирана страна, во улога на некој што собира и испраќа докази, додека имате други страни како Реал Мадрид кои досега не направиле ништо во истрагата. Портпаролите зборуваат едно, но клубовите не преземаат ништо, па може да се каже дека процесот е последица на одредени наши дописи.

– Ла Лига не може да го направи тоа, но мислам дека одземањето бодови при потврдена вина е соодветна мерка. Мора да го заштитиме системот, а сме една од ретките земји кои не ги користат дисциплинските мерки. Голема сума пари му е исплатена на влијателен човек и клубот ќе мора да докаже дека намерата не му била да влијае на судиите, – рекол Тебас.