Танкоски: Доаѓам во сериозен клуб кој сака да биде шампион на Македонија

Тимот на Еурофарм Пелистер успеа да го добие потписот на македонскиот репрезентативец Марио Танкоски кој во Битола доаѓа од таборот на Металург.

Стружанецот во клубот од Автокоманда мина неколку години во кои напредуваше од сезона во сезона, труд и залагање со кое си обезбеди место во националниот тим, а сега и трансфер во Пелистер кој е предводен од хрватскиот стрчњак Жељко Бабиќ и има високи амбиции.

-Доаѓам во сериозен клуб и нашите амбиции се бидеме шампион на Македонија и да игра на високо ниво и во Европа. Еурофарм Пелистер е добро организиран клуб. Ќе имам можност да работам со одличен тренер и сметам дека овој трансфер е чекор напред во мојата кариера Верувам дека ќе се состави еден силен и компактен тим, добар кој ќе конкурира во Европа и во СЕХА лигата, -порача Танкоски кој со „фармацевтите“ потпиша тригодишен договор.