Талески заминува и од Балинген, веројатно ќе остане во Бундеслигата

Македонскиот ракометен репрезентативец, Филип Талески не успеа да се избори за нов договор со бундеслигашот Балинген и повторно ќе ја менува средината.

По заминувањето од Рајн Некар Левен, Талески потпиша договор со тимот од дното на табелата во германската Бундеслига до 30 јуни. Постоеше опција за негово продолжување, но од клубот соопштија дека донеле одлука да не го сторат тоа.

– Сакаме да се збогуваме со Филип Талески и му се заблагодаруваме за неговиот придонес во дресот на Балинген, -кратко изјави Волфганг Штробл, еден од директорите на клубот.

Талески доби поголема минутажа во Балинген, но не успеа да ја оправда довербата, па сега ќе мора да бара нова средина. Како што стојат работите, тој и натаму ќе остане во најсилната ракометна лига во светот, Бундеслигата.