Стадионот на Вест Хем доживеа целосна трансформација за МЛБ пресметките во Лондон (Видео)

Американската мејџор бејзбол лига сака да ја зголеми својата фан база надвор од Северна Америка, а како дел од агендата за експанзија на најквалитетната бејзбол лига се и егзибициските натпревари кои се играат во Лондон.

Англиската престолнина денеска и утре ќе биде домаќин на две пресметки меѓу големите ривали Ст. Луис Кардиналс и Чикаго Кабс, со што се продолжува традицијата за натпревари на МЛБ екипи во Лондон, традиција која ќе продолжи и наредната година.

За следната година е најавено дека на 8 и 9 јуни, своите натпревари во Лондон ќе ги одиграат Филаделфија Филис и Њујорк Метс.

Натпреварите ќе се одиграат на Олимпискиот стадион во Лондон или стадионот на кој настапува екипата на Вест Хем, а за таа цел најмалку 400 лица изминатите 18 дена се погрижија за целосна трансформација на теренот, соблекувалните и околната инфраструктура.

Watch the #LondonSeries Come Together. pic.twitter.com/OLqe7ITFlW

— MLB (@MLB) June 22, 2023