Спортскиот директор на Баер открил каков план има Чаби Алонсо за следната сезона

Чаби Алонсо и сезонава е поврзуван со менување на средината и како потенцијален наследник на Карло Анчелоти во Реал Мадрид, но барем засега шпанскиот стручњак официјално не се изјаснил какви планови има за следната сезона.

Се уште не е јасно и дали Реал ќе бара замена за Анчелоти, односно дали Италијанецот ќе замине во текот на летото, но поранешниот играч на „кралскиот клуб“ автоматски се најавува како прва опција по секое споменување на разделба со Карло.

Спортскиот директор на Баер, Симон Ролфес, денеска потенцирал пред новинарите дека Чаби Алонсо ќе остане во клубот и следната сезона, до кога има и важечки договор.

– Тој останува и тоа е тоа, нема што да се додаде.

– Ми кажа дека не се точни шпекулациите за некаков постигнат договор со друг клуб, а и има потпишана соработка со Баер, – рекол Ролфес.