Специјалитет на Нојер: Маестрална двојна одбрана на задоволство на фановите на Баерн (Видео)

Мануел Нојер одамна влезе во друштвото на најдобри голмани на сите времиња, но тоа не значи дека Германецот ќе престане да ги воодушевува фановите на секој следен натпревар.

Откако блесна со една неверојатна двојна одбрана против Вердер, Нојер го направи истото и на вечерашниот дуел меѓу Баерн Минхен и Салцбург од Лигата на шампионите.

Иако не постоеше голема резултатска неизвесност во Минхен и неговиот тим веќе водеше со 3:0, Салцбург пропушти сериозна можност да го ублажи водството во 70. минута.

Главен виновник е токму Нојер, кој најпрви го одбрани незгодниот удар на Бериша, за потоа и на неверојатен начин да спречи гол на Емвепу.