Синер „заборави“ на повредениот лакт и обезбеди полуфинале на Вимблдон

Јаник Синер се жалеше на повреда на лактот пред денешниот дуел од четвртфиналето на Вимблдон, но не само што таа не беше причина да се откаже од завршницата на грен-слем турнирот во Лондон, туку успеа без загубен сет да го добие мечот со амбициозниот Бен Шелтон.

Италијанскиот тенисер славеше со 3:0 во третото комплетирано четвртфинале, кое донесе најголема драма во првиот сет, а му ја донесе и шестата победа по ред во дуелите со Шелтон.

Истиот го доби Синер во тај-брејк со убедливи 7:2, за следните два да ги добие со 6:4 и тоа со брејк во клучниот и последен десетти гејм.

Противник на Синер во следната рунда ќе му биде победникот од мечот меѓу Ѓоковиќ и Коболи.

Forza Jannik 🔥@janniksin is into the #Wimbledon semi-finals with a 7-6 6-4 6-4 win over Shelton.@Wimbledon pic.twitter.com/9qibVDDcMy

— ATP Tour (@atptour) July 9, 2025